Хуманитарна акција за помош на Албанија во градинките во Гостивар

Јавната установа „ Детска радост” во чиј склоп функционираат детските градинки во Гостивар, спроведе хуманитарната акција за помош на погодените во силниот земјотрес во Албанија.

Вработените од работната единица „Цветови“ донираа пакети со средства за лична хигиена и најнеопходни прехранбени продукти за децата чии семејства претрпеа огромни штети во земјотресот.
Исто така, ЈУДГ,, Детска радост”, со одлука на еко одборот во градинката донираше 30.000 денари собрани во еколошки акции. Овие финансиски средства ќе бидат уплатени на жиросметката која е отворена за помош на Албанија.

Во хуманитарни акции во Гостивар и низ селата, се приклучија голем број граѓани. Од Гостивар беа транспортирани неколку камиони со помош во ќебиња, вода, средства за хигиена, храна и слично.