Хуманитарна акција во Гостивар: Донирајте прибор за дечиња од социјално ранливи семејства

Од понеделник (26 август) во Гостивар ќе започне хуманитарна акција за донирање на училишен прибор за првачиња од социјално загрозени семејства. Кутии за донации ќе бидат поставени во маркетите „Монтенегро“ и “ЕТЦ“ , како и во книжарниците: „Европа“, „АС“, „Култура-Гос“, „АБЦ“ и „5 Плус“.

Акцијата ја организира Општина Гостивар, под мотото “Со срце дарувај, ученик израдувај!“.

„Сакаме да ги израдуваме првачињата, чии родители немаат можност да ги подготват за на училиште. Граѓаните ќе може да ги оставаат донациите во поставените кутии, а приборот потоа ќе биде пренесен во училиштата, од каде ќе го распределат на учениците. Ги повикуваме гостиварци во што поглем број да се вклучат во акцијата“, рече раководителката на Секторот за образование Аслијан Снопче.

Планирано е донации да се собираат до 5-ти септември.