И личен и вкусен – Солен ролат со афион

Овој ролат е одличен избор, доколку ви доаѓаат гости, или пак едноставно сакате да приредите убаво и вкусно мезе за семејството.

Состојки:  

за кора:

8 белки од јајца

5 лажици брашно

2 лажици афионово семе

сол

½ прашок за пециво

за фил:

200 гр. крем сирење

150 гр. шунка или друга салама

неколку кисели краставички

подготовка:

Белките убаво изматете ги во снег, па додадете ја солта и постепено додавајте ги брашното, афионот и пецивото, при тоа мешајќи внимателно. Плехот од рерната прекријте го со хартија за печење и распоредете ја смесата за кората. Треба да се пече во загреана рерна на 200 степени, десетина минути.

Печеното тесто ставете го врз навлажнета кујнска крпа и завиткајте го во ролат. Така да стои додека не се излади.

Измешајте ги крем сирењето и ситно сецканите краставички. Кога ќе биде изладена кората, одвиткајте ја и рамномерно нанесете го филот, па наредете ги парчињата шунка. Потоа повторно завиткајте во ролат и ставете го во фрижидер да се стегне.