Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 02/05/2019 | 16:31

И жена нападната од бездомно куче во гостиварскиот парк

По денешната објава за нападнато дете од куче во паркот во Гостивар, до редакцијата на Gostivarpress.mk пристигнаа неколку реакции од читатели кои ја потенцираат загриженоста од зачестените случаи на повредени од бездомни кучиња.

Некои читатели ни испратија фотографии на кои се гледаат чопори кучиња скитници низ улици во различни делови на Гостивар, укажувајќи на потенцијалната опасност за граѓаните кои се движат по нив.

Читателка ја сподели трауматичната случка на нејзината мајка, која била нападната од куче, утрово околу 9 часот и 30 минути. Според нејзиното кажување, врз жената на возраст од 60 години, која поминувала низ паркот близу Спортската сала, се нафрлило куче скитник, ја каснало и при тоа и откинало дел од месото на ногата. Случајот го пријавиле во полиција, а на нападнатата жена и била пружена  медицинска помош. Како што кажува нејзината ќерка, таа се` уште е во стресна состојба и има болки од нападот.

 

Напишете коментар