Идеја за појадок: омлет со спанаќ

Сите знаеме дека појадокот е најважниот оброк во текот на денот и дека не треба да се „прескокнува“.

Нутриционистите советуваат дека за појадок обично треба да јадете оброк богат со витамини и протеини, а овој рецепт е токму таков. Овој енергетски појадок можете да го подготвите за помалку од 10 минути.

Наведените состојки се за две лица.

Состојки:

• 4 јајца
• 50 гр сирење или кашкавал (ваша желба)
• 100 гр спанаќ
• едно мало лукче
• 20 гр путер
• сол и бибер

Начин на подготовка:

Исчистете го спанаќот, измијте го и потопете го во солена зовриена вода две минути. Исцедете ги лисјата и исечкајте ги. Изматете ги јајцата, па додадете ги зачините и спанаќот. Мешајте додека не се соединат јајцата и спанаќот. На загреана тава ставете путер, а кога ќе се растопи, истурете половина од подготвената смеса. Испечете го омлетот од двете страни. Истата постапка повторете ја со другата половина од смесата со јајца и спанаќ.

Пријатен појадок!