Иљам Исеини ќе го предводи ФК Вардар од Форино во новата сезона

По официјалниот прекин на Вторите лиги и одлуката да нема испаѓање, клубовите започнаа со подготовките за следната сезона. Фудбалскиот клуб Вардар од Форино именуваше нов стручен штаб за сезоната 2020/21.

Иљам Исеини од Гостивар, ќе биде нов шеф на стручниот штаб на форинци, додека негов заменик ќе биде Себајдин Алији, тој доаѓа на местот на Гајур Реџепи.

Исеини е искусен стручњак, тој го предводеше ФК Гостивар во Првата лига во сезоната 2013/2014.

Вардар од Форино во моментот на прекин на сезоната се наоѓаше во опасната зона за испаѓање, но во текот на сезоната имаше и убави моменти кога се искачија на четвртата позиција во премиерната сезона во 2МФЛ – Запад.