Поврзи се со нас

Вести Гостивар

Има 106 години и вели дека тапаните и виното се тајната на долгиот живот

Легендарната тапанарка Виола Смит, која има 106 години тврди дека тајната на долгиот и среќен живот има едноставна формула: енергични тапани+умерено конзумирање на добро вино.

Родена е во Висконсин, Америка, како осмо од десет деца во семејството. Сите учеле да свират пијано, а Виола се фатила за тапаните.  Нејзиниот татко основал оркестар  сочинет од сите девојчиња во семејството, кој го нарекол Smith Sisters.

Оркестарот имал турнеја низ Америка и при еден настап талентираната тапанарка била забележана од продуценти на радио верзија на America’s Got Talent во 1938 година. Од тогаш нејзината кариера оди во нагорна линија. Заедно со сестра и` Милдред основала женски бенд под името The Coquettes, кој набргу станал високо ценет и популарен. Подоцна била дел од популарниот женски оркестар Hour of Charm, а настапувала и со National Orchestal Association.

Виола глумела и во неколку филмови, а кариерата ја одвела и до Бродвеј, каде била член на женскиот бенд Kit Kat Club и настапувала како тапанарка во мјузиклот Cabaret.

„Пред Втората светска војна постојеа предрасуди за жените кои се занимаваат со музика, кои потоа малку се разбија. Конечно музичарките станаа видливи и им беше пружена шанса да се изразат. Публиката и јавноста почнаа да ги доживуваат посериозно“, изјавила Смит, во едно од своите интервјуа.

Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно