Има човечки жртви во пожарот во Тетово, се очекуваат изјави за повеќе информации и детали

Во пожарот во кој изгоре вечерва ковид центарот во Тетово има жртви, потврди Министерството за здравство, меѓутоа точна информација колку луѓе го загубиле животот официјално се уште нема.

Премиерот Зоран Заев, министерот за здравство Венко Филипче и министерот за внатрешни работи Оливер Спасовски пристигнаа во Тетово и откако беа на местото на страотната несреќа, се упатија кон општината, на состанок на Кризниот штаб, од каде се очекува и да дадат изјава и повеќе детали за трагедијата.

Пожарот е изгаснат, а повредени лица итно се транспортираат во Скопје за да им се пружи соодветна нега.

Во кругот на тетовската болница собрани се голем број граѓани и смејства на пациенти кои биле хоспитализирани и бараат информации за состојбата на нивните најблиски.