Индијците изградиja 75 километри автопат за 5 дена

Работата која во некои земји трае неколку месеци, години, кај нас скоро и децении, Индијците ја направија за помалку од пет дена.

За само 105 часа и 33 минути изградија автопат долг 75 километри. Проектот, на кој беа вработени 1300 лица, започна на 3 јуни во 7:27 часот, а заврши на 7 јуни во 17 часот.

Неверојатниот успех веднаш беше запишан во Гинисовата книга на рекорди.

Министерот за транспорт и врски на Индија, Нитин Гадкари ги пофали сите инженери, изведувачи, консултанти и вработени во Националната управа за автопати на Индија.

• Со овој голем проект ги поврзуваме нашите градови Амравати и Акола, а новата делница ќе има значајна улога во олеснувањето на движењето на луѓето во овој дел на Индија – заклучи Гадкари.

Патот го изгради приватна компанија наречена „Рајпут Инфракон“, а целиот проект бил започнат од празен лист хартија.

Претходниот рекорд го држеше јавното претпријатие од Катар, Public Works Authority – ASHGHAL за 25 километри автопат, кој беше поставен на 27 февруари 2019 година за што им беа потребни десет дена.