Инфектолозите Наумоски и Мемети добија благодарници од Општина Гостивар

Во знак на благодарност за трудот и посветеноста во борбата против ковид, градоначалникот на Гостивар, Арбен Таравари им додели благодарници на инфектолозите Ратко Наумоски и Енес Мемети.

-Длабоко го цениме нивниот труд и работа и ова е скромен начин да им изразиме благодарност за целиот ангажман. Се разбира искажуваме почит кон сите медицински лица кои неуморно се борат со оваа пандемија, рече Таравари.

Раководителот на инфективно во Гостивар Др.Наумоски заблагодарувајќи се на гестот упати апел до граѓаните да ги почитуваат мерките на заштита.

– На тој начин ќе ни помогнат во оваа тешка ситуација и секојдневна борба. Сакам да кажам дека овие благодарници не се само за нас, туку и за целиот персонал на инфективното одделение, лабораторијата, како и рентген одделот под водство на д-р Љубица, сите сме заедно во оваа борба, рече Наумоски.

Др.Мемети нагласи дека остануваат посветени на пациентите со максимални заложби за секој живот да биде спасен.