Гостивар
Инфо-сесии во Гостивар: Прашувајте ги институциите, должни се да дадат информации од јавен интерес
Граѓанските организации, новинарите и граѓаните поактивно да го користат правото да бараат информации од институциите, а тие пак да го подигнат правото на пристап до информации од јавен карактер на повисоко ниво. Ова беше заклучокот од денешните инфо сесии која се одржа во Гостивар во организација на Асоцијација за демократски иницијативи АДИ, која заедно со Агенцијата за заштита на правото на слободен пристап до информации од јавен карактер го промовираа правото на слободен пристап до информации од јавен карактер, пред младите гостиварци, претставници на граѓански организации, новинари и локални институции, преку две посебни информативни сесии.
На сесијата свое обраќање имаше директорката на Агенцијата за заштита на правото на слободен пристап до информации од јавен карактер Пламенка Бојчева која истакна дека Агенцијата е единствен државен орган кој работи во сферата на заштита на правото на слободниот пристап до информациите од јавен карактер. Агенцијата, дава примери, апелира, повикува и ги поттикнува сите институции на централно и на локално ниво, да го подигнат правото на пристап до информации од јавен карактер на повисоко општествено ниво, преку зголемување и унапредување на проактивната транспарентност во рамките на сопствените институции.
Извршниот директор на Асоцијација за демократски иницијативи АДИ, Лулзим Хазири, ги повика граѓанските организации, новинарите и граѓаните поактивно да го користат правото да бараат информации од институциите. „Важно е граѓаните да имаат пристап до информациите и услугите што ги даваат институциите, да знаат како се трошат нивните пари, да следат дали тоа трошење е рационално, да можат да учествуваат во донесувањето одлуки и создавањето политики.“, истакна Хазири.
За време на сесиите беше претставен процесот на барање на информација од јавен карактер. Барателот на информацијата може да го поднесе барањето усно, писмено или електронски и приотоа да се произнесе за начинот на понатамошната комуникација со имателот на информацијата.Имателот на информацијата е должен во рок од 20 дена да одговори на поднесеното барање.
Правото на слободен пристап до информации од јавен карактер, претставува ефикасен механизам на контрола на јавниот сервис од страна на граѓаните, темел за доброто владеење, зголемување на транспарентноста на институциите и обезбедување значајно учество на граѓаните во јавниот живот.
Покрај Гостивар, во рамки на проектот за граѓанско учество на УСАИД, планирано е да се спроведат уште информативни сесии кои ќе бидат одржани во Куманово, Струга, Штип и Битола.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар