Информација од Гостиварското архиерејско намесништво за претстојните куќни слави

Пред нас е период на прекрасни празници и куќни слави кои голем број на православни верници во Гостивар и гостиварско ги слават. Свети Архангел Михаил (21 ноември), Воведение на Пресвета Богородица-Пречиста (4 декември), Света Варвара (17 декември), Свети Никола (19 декември) се дел од нив кои верниците најмасовно ги одбележуваат во кругот на семејството. По тој повод од Гостиварското архиерејско намесништво ги информираат верниците дека се организирани дежурни свештеници кои ќе ги благословат славските колачи во храмовите, наместо во домовите.

„Го повикуваме православното население од Гостивар кое ги чествува куќните слави кои ни претстојат и до сега своите славски колачи ги благословувале дома, годинава истите заедно со пченицата и виното за благослов може да ги донесат во храмот „Света Богородица“ во Гостивар. Свештенството од гостиварското намесништво организира дежурни свештеници кои ќе ги благословат славските колачи. На денот на славата и ден претходно од 7 до 14 часот“, соопштуваат од Гостиварското архиерејско намесништво.