Иницијатива: Откажете се од подарокот за 8 Март, донирајте ги парите

„Нека месецот на жената биде месец на хуманост. Не ни треба цвеќе и подарок – да подариме ние здравје и среќа. Да предизвикаме на донирање. Ве повикуваме вас, жени – наставнички, професорки, бизнисменки, пратенички, градоначалнички – откажете се од подарокот од вашите ученици, вработени, пријатели – наместо тоа, повикијате ги вниманието кон Вас да го донираат некому кому многу му е потребно!“. Ова е повикот од Здружението за поддршка и промоција на граѓански активизам Клик Акција од Скопје, кое покрена иницијатива, парите кои се даваат за осмомартовски подароци да се пренасочат во добротворни цели.

За таа цел Здружението креираше Фејсбук настан, преку кој секое одделение, фирма, поединец заеднички ќе се мотивираат за вклучување на што поголем број граѓани во оваа акција. Учителки, наставнички, воспитувачки, административки, менаџерки, докторки од Гостивар, ова е убава прилика да ја покажете својата хуманост. Особено вработените во образованието, за да им дадат позитивен пример на децата. Ако сакате да се приклучите и да дадете поддршка на хуманата иницијатива, настанот може да го најдете на следниот линк:

Настан-Месец на хуманоста