Инспекции низ локалите во Гостивар, се проверува дали гостите имаат сертификати за вакцина

Ноќеска полициски службеници од СВР Тетово во координација со Државен пазарен инспекторат спровеле акциска контрола во угостителски објекти на тетовско-гостиварското подрачје.

Како што инофрмира портпаролот на СВР, Марјан Јосифоски контролирани биле вкупно 20 објекти, во коишто се откриени седум лица без да поседуваат сертификат за извршена вакцинација. Сите прекршоци се регистрирани на тетовското подрачје, додека во Гостивар не биле затекнати гости во локали без сертификати.

По целосно документирање на случајот ќе бидат поднесени соодветни пријави, а соодветни поднесоци ќе има и за објектите каде се затекнати лицата, соопшти полицијата.