Гостивар

Инспекцијата затвори два локали во Гостивар во кои имало гости по 18 часот

Објавено

пред 3 години

на

21/12/2020

Од

Gostivarpress.mk

Вчера (20.12.2020) околу 19.15 часот на ул.„Илинденска“ во Гостивар, полициски службеници на СВР Тетово – Одделение за внатрешни работи Гостивар го лишиле од слобода 50 годишниот Љ.Н. од Гостивар, затоа што неговиот угостителски објект бил отворен по 18 часот и во него престојувале неколку лица. Тој бил задржан во Полициската станица Гостивар и по целосно документирање на случајот ќе му биде изготвен поднесок, поради сомнение дека сторил кривично дело „непостапување според здравствени прописи за време на епидемија“ (член 206 од Кривичниот законик). Објектот бил затворен од Државниот пазарен инспекторат.

Во текот на вчерашниот ден околу 22.00 часот, полициски службеници на СВР Тетово – Одделение за внатрешни работи Гостивар го лишиле од слобода 62 годишниот Џ.В. од Гостивар, затоа што неговиот угостителски објект на ул.„Илинденска“ во Гостивар, работел по дозволеното време и во него се наоѓале неколку лица. По документирање на случајот, против Џ.В. ќе биде поднесена пријава по член 206 од Кривичниот законик, поради сомнение дека сторил кривично дело „непостапување според здравствени прописи за време на епидемија“. И овој објект бил затворен од Државниот пазарен инспекторат.

Сподели ја веста:

Поврзани теми:

Следнo

54 годишник завршил во ПС Гостивар поради напад врз сопругата и синот

Не пропуштај

21 декември, Ден на наставата на турски јазик