Инспекторите контролирале 13 објекти во Гостивар и не нашле неправилности

Во последните контроли што заеднички ги врши полицијата во содејство и координација со Државен пазарен инспекторат на гостиварско подрачје биле опфатени 13 објекти. Станува збор за објекти кои вршат угостителска и трговско-услужна дејност, а контролите биле спроведени во изминатото деноноќеи. Инспекторите не откриле никакви неправилности.

Што се однесува до новата статистика околу решенијата и изјавите за изолација, според податоците на Секторот за внатрешни работи Тетово нови решенија за изолација од Државен санитарен и здравствен инспекторат изготвени им се на вкупно 94 лицa (Тетово-62 и Гостивар-32), додека вкупно биле контролирани 1306 (Tетово-980 и Гостивар-326) лица со вакви решенија.

Во изминатото деноноќие, изјави за самоизолација потпишале вкупно 15 лицa (Tетово-5 и Гостивар-10), а контролирани биле 258 лица (Тетово-168 и Гостивар-90) со потпишани изјави за самоизолација.

Во овој период  за неносење заштитни маски на вкупно 111 лица (Тетово-89 и Гостивар-22) изготвени им се прекршочни платни налози, согласно член 6  од соодветната владина Уредба, соопшти СВР.