Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 13/02/2019 | 13:43

Инспекторите на општина Гостивар не нашле неправилности кај фирмите со Б еколошка дозвола

Гостиварската локална власт подготвува Локален акциски план за животна средина, а во работната група се вклучени инспектори, експерти, претставници на невладиниот сектор. Документот ќе содржи конкретни мерки и активности за справување со загадувањето и другите еколошки проблеми.

„Се надевам дека акцискиот план ќе биде готов до средината на годината и ќе излеземе и ќе го презентираме пред јавноста и граѓаните. Нормално ќе ги повикаме сите граѓани кои сакаат да дадат свој придонес во подготвувањето на планот, да се вклучат. Во однос на загадениот воздух, нашите инспектори се активни на терен и во делот каде што Општина Гостивар има овластувања, не се регистрирани неправилности“, наведува градоначалникот Арбен Таравари.

Општината има ингеренции во контрола на фирмите кои поседуваат Б интегрирана еколошка дозвола. Државните инспектори пак претходно беа во контрола на фирми со А дозвола во Гостивар и исто така не констатираа неправилности.

Според официјалните мерења, од почетокот на 2019-та, во Гостивар среднодневната вредост на штетни ПМ10 честички веќе била надмината 30 дена, а дозволената граница е 35 во текот на целата година.

Во јануари граѓаните речиси секој ден дишеа загаден воздух. За среќа, состојбата во февруари е подобрена и деновиве не се измерени високи вредности на аерозагадување.

Напишете коментар