Вести
Интересни факти за 1 Мај – Хитлер го славел, Мусолини го забранил, Американците приказна за себе

Први Мај, како Меѓународен ден на трудот во својата суштина ја има борбата за работнички права. За овој празник се врзани доста интересни факти.
Првата капиталистичка држава која почнала да го слави овој празник е хитлеровата Германија. Два месеци откако дошле на власт, во 1933 година, германските национал-социјалисти го прогласиле први мај за Ден на националниот труд и за државен празник. Единствено Владата имала право да организира прослава, а други настани за славење на празникот биле забранети.
Во Италија, Бенито Мусолини пак целосно забранил било какво прославување и одбележување на Први Мај. За Ден на трудот во неговата дражава, Мусолини го прогласил датумот, 21-ви април, роденденот на Рим.
Шпанскиот диктатор, Франциско Франко во однос на 1-ви Мај бил дециден-секој што ќе се обидел да го слави празникот бил прогонуван од земјата.
Американците Денот на трудот (Labor Day) го слават во првиот понеделник од месецот септември, а прв пат бил воспоставен во 1894 година. Вообичаена пракса на славење им е со шопинг, па се смета дека после „црниот петок“, трговците најголем промет имаат баш на Labor Day.
На источниот блок му е преку глава од работнички права. Работниците од бившите комунистички земји, немаат масовни протести и демонстрации, додека во капиталистичките таквите организирања се многу почести. Овој феномен тешко се објаснува, но се поврзува со заситеноста од повеќедецениското потенцирање на работничките права.
Постои и “EuroMayDay” кој се слави исто така на 1 Мај во дел од западните земји на Европа. Го промовираат феминистички и антикапиталистички движења, пред се како ден кој се концентрира на борба против несигурноста.
Французите имаат обичај да подаруваат ѓурѓовденско цвеќе. Да, за Први Мај. А таа традиција потекнува од времето на кралот Шарл 9, кој во една прилика додека бил се уште дете, како престолонаследник им подарил по едно такво цвеќе на сите присутни дами во кралската сала.
-
Бизниспред 1 месец
ЛЕАР Тетово вработува
-
Гостиварпред 2 недели
Девизниот курс денес според приватните менувачници во Гостивар и НБРМ
-
Македонијапред 2 месеци
Православните одбележуваат Велики Петок, тажниот ден на распнувањето на Исус
-
Македонијапред 2 месеци
Зошто Велигден не е секоја година на ист датум – како се пресметува?
-
Македонијапред 2 месеци
Православните верници слават Благовештение
-
Гостиварпред 3 месеци
ОСМОМАРТОВСКИ СО БЕЛИНДА ТУКСАР ЛОТЕСКА, началничка на Отсек за криминалистичко разузнавање, статистика и документирање во ОВР Гостивар
-
Вестипред 2 месеци
Вo Здравствен дом Ростуше дијагностика и интервенции со современа апаратура за пациентите од цел регион
-
Македонијапред 1 месец
Здружението на историчарите бара враќање на Историјата за VI одделение