Интересни факти за левичарите

Левичарите сочинуваат 10-12% од популацијата. Некои сметаат дека да се биде левичар е привилегија, некои сметаат дека се попаметни бидејќи се левичари, а некои едноставно се соочуваат со потешкотии со оглед на тоа дека живееме во свет на десничари. Како и да е, еве неколку интересни факти за левичарите кои можеби не сте ги знаеле:

• Некои од вашите омилени познати личности се левичари

Том Круз, Вупи Голдберг, Пол Мекартни, Опра Винфри, Џастин Бибер, Селин Дион, Џенифер Лоренс, Бред Пит и Анџелина Џоли се левучари. Мерлин Монро, Курт Кобејн и Џими Хендрикс исто така биле левичари. Можеби тоа е тајната за успехот.

• Бебињата може да покажат знаци дека се левичари

Кога бебето лежи на стомак, ако ја сврти главата на лево значи дека е левичар, ако ја сврти на десно дека е десничар. Можеби е случајност, но со сигурност е тренд што се повторува.

• На сите слики ѓаволот е претставен како левичар

Со оглед на тоа што црковниот благослов се прави со десна рака, логично е левата да му се припишува на ѓаволот. Латинискиот збор за лево е “sinister“ што значи злокобен, па можеби затоа во минатото децата биле присилувани да пишуваат со десна рака, иако биле левичари.

• И вештерките исто така

Во историските текстови за вештерство во Европа, вештерките ја користеле левата рака за да фрлаат магии или клетви на другите. Наводно доволно било само да допрат некој со левата рака за да го проколнат. Можеби од тука потекнува лошата репутација на левичарите.

• Левичарите можеби навистина се попаметни

Универзитетот Св. Лоренс спровел тестови за коефициентот на интелигенција кај левичари и десничари. Резултатите покажале дека повеќе левичари имале коефициент над 140. Покрај тоа, сетете се дека и Алберт Ајнштајн, Чарлс Дарвин, Бенџамин Френклин и Исак Њутон биле левучари.

• Левичарите пијат повеќе алкохол

Една анкета на повеќе од 25 илјади луѓе од 12 земји покажала дека левичарите пијат почесто отколку десничарите. За среќа, нема никакви индикации дека повеќе го злоупотребуваат алкохолот.

• Левичарите се уметнички души

Анкета на повеќе од 2 илјади левичари покажала дека поголемиот дел од нив преферираат кариери во областа на уметноста и музиката

• Левичарите имаат поголем ризик за ментално пореметување

Левата хемисфера од мозкот ја користат и левичарите и десничарите. Но, 30% од левичарите повеќе ја користат десната хемисфера, и како резулатат на тоа имаат поголем ризик за развој на шизофренија, дислексија или АДХД.

• 13 август е светски ден на левичарите

Во соработка со Е наука