Интересни факти за светските јазици

Јазикот е систем од гестикулации, граматика, знаци, гласови, симболи, зборови кои се користи за приказ и размена на концепти (односно за комуникација), идеи, значења и мисли… Може да се замисли како семантички код.

Во светот денес се користат помеѓу 5 и 7 илјади (светски) јазици, но тешко е да се процени точниот број, бидејќи многу јазици секојдневнo изумираат, а понекогаш е тешко да се издвои јазикот од дијалектот. Светските јазици се поделени во групи според сличноста и потеклото. Некои од најзначајните се Индо-европски, Афро-азиски, Сино-тибетански јазици.

Ви пренесуваме дваесет занимливости за светските јазици, за кои можеби и не сте знаеле.

1. Во светот постојат околу 7.000 различни јазици.
2. Кинескиот јазик има околу 50.000 различни букви (симболи), но потребно е да знаете 2.000 за да можете да читате весници.
3. Во францускиот јазик постојат 13 различни начини да ја спелувате самогласката О.
4. Во светот на секои 2 недели изумира некој јазик. До денес потполно изумреле 231 јазик.
5. Моментално околу 2.400 светски јазици се во опасност од изумирање.
6. Есперанто е вештачки јазик, чии основни карактеристики ги создал Лудвиг Лазар Заменхов во далечната 1887 година, а кој го зборуваат помеѓу 500.000 и 2.000.000 луѓе.
7. Во Толкиновиот свет на “Господар на прстените“ постојат околу 12 измислени јазици.
8. На англискиот јазик му се додава нов збор отприлика секои 2 часа, а околу 4.000 нови зборови му се додаваат на англискиот речник секоја година.
9. Папата преку Твитер им се обраќа на своите верници на 9 различни јазици.
10. Библијата е преведена на 2.400 јазици што ја прави најдостапното книжевно дело во светот. На второ место е Пинокио кој е преведен на 260 јазици.
11. Еднојајчаните близнаци често во раната фаза од нивниот развој комуницираат на измислен јазик кој само тие го разбираат. Оваа појава се нарекува криптофазија.
12. Српскиот јазик е единствен јазик во светот кој има две писма во секојдневна употреба (латиница и кирилица).
13. Соединетите Американски Држави немаат официјален јазик, а оној кој најмногу се користи секако е англискиот.
14. На банкоматите во Ватикан меѓу понудените јазици во менито се наоѓа и латинскиот.
15. Силбо Гомеро, јазик со кој го користат жителите на канарскиот остров Ла Гомера е единствен свиркачки јазик кој потполно е развиен и кој го користи голема заедница – околу 22.000 луѓе.
16. Според направени истражувања, околу 285 милиони луѓе во светот зборуваат руски јазик, што го прави четврти јазик по распространетост.
17. Во Папуа, Нова Гвинеа живеат нешто помалку од 6 милиони жители, оваа земја е позната по тоа што во неа се зборуваат најмногу јазици, околу 850.
18. Хебрејскиот јазик е единствениот изумрен јазик кој во потполност е оживеан.
19. Јужноафриканската Република има 11 официјални јазици – најмногу за една земја.
20. Во рускиот јазик постојат околу 200.000 зборови.