Занимливости
Интересни, но и најчести географски заблуди
Дали географските карти (мапи) нѐ лажат? Можеби ова прашање е преостро, но факт е дека ниедна мапа не ја прикажува својата содржина потполно реално. Причина е неможноста сферната (геоидната, терминолошки правилно да се изразиме) форма на Земјата да се пренесе на хартија, односно дводимензионално во форма на мапа. Тој проблем се решава со употреба на картографски проекции кои го деформираат изгледот на некои свои елементи. Како последица на тоа на повеќето географски карти Гренланд изгледа поголем, повеќе потсетува на континент отколку на архипелаг.
Кога сме веќе кај овие теми да споменеме и дека Земјата нема совршен облик на сфера, односно топка, пречникот од правец север – југ е нешто помал од пречникот исток – запад.
Покрај ова еве уште неколку интересни географски податоци и факти.
1. Можеби ќе се изненадите, но Порторико не е самостојна држава. Иако се наоѓа длабоко во Крибското море таа е прекуморска територија под управа на САД. Слична грешка се појавува и кај Бермудските острови кои се дел од Обединетото Кралство. Се греши и кај поимите Обединето Кралство и Велика Британија.
2. Претпоставката дека најголемите и најпознати градови мора да бидат и главни градови на одредена држава е причина што, како по правило, сите ние ги грешиме одредени главни градови. На пример Истанбул, Рио де Женеиро, Сиднеј…
3. Слично на ова претпоставката дека сите пустини имаат екстремно високи температури на воздухот е далеку од вистината. Недостаток на врнежи е главна заедничка особина на сите пустини во светот, но заледените антарктички долини исто така се големи пустини иако во нив температурите на воздухот се далеку под нулата,
4. Можеби најубава географска заблуда е дека кинескиот ѕид е видлив од вселената. Но и покрај импозантната должина, ѕидот е премногу тенок за да се гледа од вселената. Кога кинескиот ѕид би се гледал од вселената, тогаш и сите автопатишта би биле видливи.
5. Египет со цела своја територија е афрчка држава. Грешка! Мал дел од Египет на Синајскиот полуостров се наоѓа во азискиот континент.
6. Исто така Авганистан, географски гледано, се наоѓа во Централна Азија иако политичко-општествените конотации го поврзуваат со Блискиот исток.
7. На прашањето која држава во светот е најсеверна помислуваме на Русија, Канада или Норвешка. Најсеверното копно на светот сепак му припаѓа на Кралството Данска.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk