Интернационале Милано по 20 пат шампион на Италија

Фудбалерите на Интер успеаја да забележат победа од 2-1 во градското дерби против Милан и со тоа да ја обезбедат 20 титула во клупската историја, престигнувајќи го токму градскиот ривал Милан на вечната листа.

Интер поведе во 18. минута кога Франческо Ачерби беше највисок во скокот по изведениот корнер и со глава ја затресе противничката мрежа. Турам на почетокот на вториот период зголеми на 2-0, во 49. минута.

Надежта на Милан ја врати Томори, кој беше прецизен во 80. минута, но црвено – црните немаа сили да избегнат пораз.

За фудбалскиот клуб Интернационале Милано ова е јубилејна 20 шампионска титула, а прва по 2021 година. Интер сега се врати на второто место на вечната листа. Недостижен е Јувентус со 36 титули, додека трет е Милан со 19.