Гостивар
Интернатот во Гостивар ќе ги дочека учениците во септември со реновиран изглед
Во објектот на средношколскиот интернат во Гостивар, изминатиот период беа направени повеќе зафати за подобрување на условите за престој на учениците, како и за работа на кадарот.
Со финансии од Министерството за образование, комплетно се реновирани сите соби за сместување на децата со нови кревети, душеци, бироа и столчиња, а подновени се и административните простории и канцелариите на воспитувачите.
Со проект од Светска банка, преку Министерство за финансии и Општина Гостивар инсталирани се за фотоволтаични панели за заштеда на електрична енергија, додека со општински средства се реновирани тоалетите во машкиот дел. Исто така, целосно нов изглед доби и просторијата која учениците ја користат за учење, со нови клупи, ламинат и опрема.
„Задоволни сме што остваривме добра соработка со сите, почнувајќи од Министерството, општината, како и приватните фирми. Инвестициите за подобрувањето на условите веќе даваат резултати и бројката на запишани деца кои од септември ќе престојуваат во нашито интернат е зголемена. Само по првиот уписен рок имаме 150 ученици, а очекуваме бројот натаму да биде уште поголем. Апелираме до управите на средните училишта, да ги упатуваат учениците од селата и од другите градови кај нас, а на родителите сакаме да им порачаме дека ќе водиме голема грижа за децата, дека создаваме добри услови и се надеваме дека од тука младите ќе излегуваат со убави спомени“, вели Линдихана Салаи Сулејмани, директор на средношколскиот дом во Гостивар.
Во текот на летото ќе се продолжи со реализација на уште неколку зафати, со кои ќе се комплетира реновирањето.
Интернатот има капацитет да прими околу 250 ученици, а трошоците за нивно сместување и исхрана целосно ги покрива Министерството за образование.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар