“Интернет мангупи” го олесниле Лацио за два милиони евра

Веста на денот пристигнува од Италија, во центарот на вниманието е фудбалскиот клуб Лацио и нивните административни работници кои испаднале вистински “магариња” според информацијата на Il Tempo.

Римскиот весник пишува дека познатиот фудбалски клуб бил жртва на интернет измама во која лацијалите се оштетени за 2.000.000 евра. Впрочем, група на хакери отвориле емаил налог со обележја на Фејнорд, клуб од кој холандскиот одбрамбен играч Стефан Де Фреј преминал во Лацио. Во мејлот испратиле официјално барање да им се исплатат 2.000.000 евра на основа договорот за трансфер на дадена банкарска сметка. Италјанската администрација без да ги провери податоците и барањето во текот на денот им префрлиле пари, што подоцна е откриено дека не завршиле на сметката на шампионот на Холандија.

Измамниците брзо ги промениле податоците и ИБАН бројот и изгубена е секаква трага на парите. Римјаните го пријавиле случајот во полиција која се обидувала да им влезе во трага на парите, но без успех. Се сомнева дека милионите се сеуште во некоја холандска банка.

За трагедијата на лацијалите да биде уште поголема се надоврзува и изјавата на Стефан Де Фреј дека на лето ќе си замине од Лацио како слободен играч.