Исчезнатата тинејџерка сама се пријавила во полиција – заминала кај својот дечко

Полицијата соопшти дека денеска околу 12 часот, во Полициската станица Гостивар дошла и се пријавила малолетничката  која на 7-ми месецов беше пријавена како исчезната од нејзиниот татко И.П. Петнаесетгодишната девојка, од населбата Фазанерија, објаснила дека во неделата наутро околу 9 часот се оддалечила од домот и заминала кај машко лице со кое била во љубовна врска, а кој исто така е малолетник.

Според полициските податоци, минатата година, на поширокото гостиварско подрачје биле пријавени вкупно 27 исчезнати лица, од кои најголем број биле малолетни женски лица. Сите пријавени, по извесно време се пронајдени. Две од пријавените лица се соочувале со сериозни психички растројства, а поради што со или без знаење на најблиските ги напуштале домовите во кои живееле.