Исклучени од сообраќај 8 неисправни автобуси и комбиња во Гостивар и Тетово

Денеска во периодот од 8 до 11 часот, полициски службеници на СВР Тетово спроведоа акциска контрола на техничката исправност на возила кои вршат jавен превоз на патници , претежно автобуси и комбиња.

„При контролата откриени и санкционирани се вкупно 8 неисправни возила(Тетово-3 и Гостивар-5). Шест од нив имале неисправни сопирачки, едно неисправен уред за управување и едно неизвршен технички преглед.

„Сите неисправни возила исклучени се од сообраќај и изготвени им се соодветни поднесоци. При контролата, исто така, санкционирани се и 4 други видови сообраќајни прекршоци“, информира портпаролот на СВР, Марјан Јосифоски.