Исплата на мајските пензии од понеделник

Владата денеска на седница ја разгледа и усвои Информацијата за исплата на пензии за месец мај, при што им препорача на деловните банки да обезбедат пензионерите да може да располагаат со мајските пензии преку мрежата на банкомати и во трговската мрежа од 29-ти мај.

Владата го задолжи Фондот за пензиско и инвалидско осигурување на Северна Македонија да ги достави податоците за пензиите до деловните банки најдоцна до 26-ти мај.

-Се препорачува за пензии со висина до 11 илјади денари, исплатата да се изврши на 29-ти мај (понеделник); за пензии со висина 11 илјади и еден денар до 14 илјади денари, исплатата да се изврши на 30-ти мај (вторник); за пензии со висина 14 илјади и еден денар до 18 илјади денари, исплатата да се изврши на 31 мај (среда) и за пензии со висина над 18 илјади и еден денар, исплатата да се изврши на први јуни (четврток), соопшти владината прес-служба.