Истепан судија по фудбалски натпревар во Гостивар

Навивачи се нафрлиле врз судија од Гостивар откако завршил фудбалски натпревар кој се играл вчера попладне на спортскиот терен во Горна Бањица.

Според информациите од полицијата, гостиварецот С.М (28), кој бил, главен судија на фудбалскиот натпревар помеѓу Трабзонспор од Горна Бањица и Беса од Добридол, вчера околу 15 часот, по завршувањето на натпреварот, физички бил нападнат од повеќе лица од Горна Бањица, кои влегле на теренот. Напаѓачите се нафрлиле на С.М. и повеќе пати го удриле со тупаници и клоци. Тие продолжиле да му се закануваат и по пристигнувањето на медицинското возило за укажување лекарска помош.Со полициска интервенција била спречена натамошна ескалација на инцидентот.
Од СВР Тетово соопштуваат дека се преземаат мерки и активности за целосно расчистување на случајот. Идентификувани се неколку лица кои се сомничат дека учествувале во нападот врз главниот судија.