Историски ден: Трамп направи неколку чекори во Северна Кореја

Американскиот претседател Доналд Трамп и севернокорејскиот лидер Ким Јонг Ун се сретнаа утрово во демилитаризирана зона на границата помеѓу Северна и Јужна Кореја. Трамп е првиот американски претседател кој направил неколку чекори на тлото на Северна Кореја.

Трамп и Ким се сретнаа во зоната меѓу двете Кореи, во еден момент после поздравувањето Ким го покани американскиот претседател да влезе во неговата земја, Трамп премина и направи неколку чекори во Северна Кореја, што е за прв пат во историјата и заеднички се вратија во Јужна Кореја.

„Преминувањето на линијата е голема чест“, изјави Трамп.

После тоа, Ким Јонг Ун и Доналд Трамп симболично се потпиша на еден ѕид, што е вообичаено за сите високи функционери кои се во посета на зоната меѓу двете Кореи.

Инаку до посетата дојде, кога по завршувањето на Г-20 самитот кој се одржа во Јапонија, Трамп на Твитер напиша како би сакал да ја посети зоната помеѓу двете Кореи и да се сретне со Ким.