ИВЗ објави низа мерки за заштита за празникот Бајрам

Исламската верска заедница, денеска објави соопштение со низа мерки за намазот на Фитр Бајрам, што треба да се спроведат во секоја џамија во земјава.

Во соопштението наведени се следните мерки:

– Сабах намаз да се обавува дома;
– Обавувањето на намазот на Фитр Бајрам да не биде подолго од 15 минути;
– Максимално да се избегнат поздравите со физички контакт;
– Откажување од посета на гробишта;
– За време на Фитр Бајрам, традиционалните посети треба да бидат што е можно помалку;
– Дезинфекција на џамии;​
– Задолжително носење маска;​
– Чистење раце со средство за дезинфекција при влезот во џамијата или да се носи ракавици;​
– Секој верник треба да има лично сеџаде;​
– Што повеќе да се користат дворовите на џамиите за обавување на молитвите;​
– Меѓу верниците да се запази физичката дистанца колку што е можно повеќе;​
– Забрането е престој во групи пред или по обавување на молитвите во џамијата;
– Абдест да се зема дома – абдесхањата и тоалетите ќе бидат затворени;

Од ИВЗ уште информираат дека нема да се одржи традиционалната манифестација за празникот Рамазан Бајрам, која е откажана од страна на Ријасетот, заради актуелната состојба со корона вирусот.