Избори 2016: Излезеност во Гостивар до 13:00 часот 24,2%

Гостивар гласа. До сега, изборниот процес во гостиварскиот регион се одвива во мирна и демократска атмосфера. Од утрово сите избирачки места беа отворени навреме, а од избирачките одбори стигнуваат информации дека гласањето тече непречено.Последните податоци за излезност на гласачите го опфаќаат периодот до 13 часот. Општинската изборна комисија на Гостивар информира дека гласале 18.527 или 24,2% од вкупно запишаните во избирачкиот список . На територијата на општина Врапчиште на гласање излегле 5.564 односно 22,7%, додека во општина Маврово Ростуше процентот на излезност до 13 часот е 24% што значи дека 2.166 граѓани го искористиле своето право на глас.

Низ улиците и по местата кадешто се гласа има голема раздвиженост, особено во попладневните часови. Првите неофицијални резултати се очекуваат навечер од партиските штабови откако ќе бидат преброени одреден број на гласачки ливчиња. Официјалните резултати ќе ги соопшти Државната изборна комисија.