ИЗБОРИ Маврово и Ростуше: Промени, проекти, победи-порачува кандидатот на ВМРО ДПМНЕ, Мевмед Џафери

Во рамки на предизборната кампања за градоначалник на Општина Маврово и Ростуше, кандидатот на ВМРО-ДПМНЕ, Мевмед Џафери ги посетува населените места и остварува средби со граѓаните, пред кои ги претставува проектите и плановите коишто се зацртани во неговата програма.

При посетата на селата Маврово, Ниќифорово и Леуново беше придружуван од пратеничката Дафина Стојаноска.

„На отворено, пред сите, без телохранители и тајни служби… Ова се непокорените села од општина Маврово и Ростуше. Ова се Маврово, Ниќифорово и Леуново и тука жителите се за ВМРО-ДПМНЕ. Овде луѓето препознаа искрен и чесен лик во докторот Џафери и даваат силна поддршка за негова победа на 20-ти август.“, истакна Стојаноска.

„Општина Маврово и Ростуше ќе добие нов лик, а промените ќе значат функционална локална самоуправа која ќе биде во служба на граѓаните, голем број на инфраструктурни проекти и инвестиции кои ќе значат отворање на нови работни места.“, порача Сајкоски од Врбен.

Џафери потенцира дека како градоначалник ќе работи во интерес на граѓаните, а локалната самоуправа ќе биде ставема во нивна служба. Доаѓа време за промени, проекти и победи, порача тој.

Еден од проектите кои ги ветува е изградба на централна детска градинка, опремена со најсовремени стандарди во Ростуше, а во која ќе се згрижуваат деца и од Требиште, Велебрдо и Битуше.