ИЗБОРИ Маврово и Ростуше: СДСМ, Медат Куртовски има силна поддршка од граѓаните

„Кандидатот за градоначалник на Општина Маврово и Ростуше од СДСМ, Медат Куртовски на 20 август ќе го продолжи својот мандат и ќе реализира уште многу проекти“, порачуваат од партијата. Изминатите денови во рамки на предизборната кампања заедно со кандидатот, функционери на СДСМ ги посетуваат  населените места. На средбите во Скудриње беше претседателката на Форумот за жени и министерка Јована Тренчевска.

„Скудриње ја има првата и единствена градинка изградена во Маврово и Ростуше. Во соработка со централната власт, Медат Куртовски на своето родно место му ја обезбеди градинката “Брешиа”, каде се згрижени дваесетина деца чии родители работат во ближните индустриски погони. Реконструиран е локален пат, обезбедена е чиста вода за пиење, средена водоводна мрежа, реновирано игралиште во училиштето, тоа се дел од проектите кои Куртовски ги реализирал во Скудриње. Во наредниот мандат на Куртовски, Скудриње ќе добие нов паркинг простор за мештаните и нашинците од ова место. На 20 август, поддршката на Скудриње е за Медат Куртовски.“, рече Тренчевска.

Средба со граѓаните во општината остварија и потпретседателот на СДСМ Стефан Богоев, организациониот секретар на партијата Вангел Андрески, претседателот на комисијата за спорт Наумче Мојсовски како и генералниот секретар Миле Зечевиќ.