Избрана новата Влада

Синоќа Собранието со 62 гласа „за“ и 51 „против“ го изгласа новиот владин состав. Владата ќе ја предводи старо-новиот премиер Зоран Заев, кој ќе има четири заменици-вицепремиери: Артан Груби – вицепремиер и министер за политички систем, Љупчо Николоски – вицепремиер за борба против корупцијата, Фатмир Битиќи – вицепремиер за економија и Никола Димитров – вицепремиер за европски прашања.

„Ќе работиме и ќе дочекаме правен систем во кој граѓаните ќе веруваат, кој ќе дели правда еднаква за сите ќе работи на ефикасен, транспарентен и ефикасен начин. Ќе работиме и ќе имаме европско образование, кое ќе подготвува едуцирани млади луѓе кои лесно ќе наоѓаат работа и лесно ќе го организираат својот живот по завршување на своето образование. Ќе работиме за уште посилно и поквалитетно здравство кое ќе продолжи да води целосна грижа за здравјето на сите граѓани уште подобор од сега. Најавувам одлучна и бескомпромисна борба против сивата економија во државата, незаконското економско работење кое го имаме дома, избегнувањето на плаќање даноци, шверцот и корупцијата. Тоа мора да го отстраниме, само така ќе имаме мотивирани инвестициски активности во државата. Најавувам брза и навремена поддршка на најсиромашните и на оние кои најмногу им треба помош и поддршка, затоа што само така ќе имаме праведно и правично општество и само така сите ќе бидеме среќни. Ветуваме храброст, мудрост, работливост и чесност, пред сѐ на домашен план, на полето на економијата и правдата, сѐ исклучиво во интерес на граѓаните.“, изјави Заев.

Новите министри се:

Оливер Спасовски – министер за внатрешни работи

Венко Филипче – министер за здравство

Мила Царовска -министер за образование и наука

Радмила Шекеринска – министер за одбрана

Бујар Османи – министер за надворешни работи

Фатмир Бесими – министер за финансии

Бојан Маричиќ – министер за правда

Благоја Бочварски – министер за транспорт и врски

Јагода Шахпаска – министер за труд и социјална политика

Ирена Стефоска – министер за култура

Аријанит Хоџа – министер за земјоделство, шумарство и водостопанство

Горан Милевски – министер за локална самоуправа

Крешник Бектеши – министер за економија

Насер Нуредини – министер за животна средина

Јетон Шаќири – министер за информатичко општество и администрациј