Издржете со дождот уште денес, од утре стабилизација

Влажниот бран што ја зафати земјава, продолжува да владее и во текот на денешниот ден. Времето ќе биде променливо облачно со врнежи од дожд, проследени со засилен ветер и грмежи, прогнозираат од Управата за хидрометеоролошки работи. Дневните темпаратури ќе се движат околу 20-тиот степен.

Од дождот ќе се спасиме утре (четврток), за кога е најавена стабилизација на временските прилики со значително затоплување. Најголем пораст на температурата се очекува во сабота, кога во делови од земјата ќе се достигнат до 30 степени.

Биометеото за луѓето кои се чувствителни на временските промени денес е негативно, односно има можности за појава на главоболки, општа телесна слабост и болки во грбот и колената.