Гостивар
Изгласан буџетот на Општина Гостивар за 2021-ва година
Буџетот на Општина Гостивар за 2021-ва година доби зелено светло од Советот на денешната седница.
Општинската каса тежи една милијарда и 120 милиони денари, односно околу 18,3 милиони евра. Споредено со годинава, се бележи зголемување од 4,5%. Предвидени се повеќе пари за капитални инвестиции, изградба на канализации, за заштитата на животната средина, а се воведува и нова програма за поддршка на проекти на Советот на млади.
„Карактеристично за буџетот е зголемување од околу 4,5% во споредба со годинава. Во основниот буџет пак зголемувањето е 14 %. Важно е да се напомене дека најголемиот дел од инвестициите ќе бидат реализирани токму од основниот буџет, средства што ги обезбедува општината. Ставката за проекти за заштита на животната средина се зголемува за 50%, ќе се реактивира Советот на млади за чии проекти и активности се издвојуваат 1,2 милиони денари. Колку е реален овој Буџет, зборуваат податоците од изминатите три години, со реализација од над 95%.“, искаткан градоначалникот Арбен Таравари.
За буџетот гласаа и советниците од опозициската ДУИ. Тие критикуваа дека се направени нереални финансиски проекции, од кои граѓаните нема да имаат никаква корист. Координаторот на советничката група Шптим Џелили истакна дека сепак гласале за буџетот, за локалната власт да нема алиби за неуспесите, односно да не ја префрла вината кај опозицијата.
„Секоја лоша работа има и по нешто добра. Доброто во овој случај е што ова е последниот буџет предложен од овој градоначалник. Немаме намера да правиме дневна политика, фактите говорат дека оваа власт лошо управува со општината во изминатите три години.“, изјави Џелили.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар