Изготвени правилата за Изборниот процес – Кампања може, од врата на врата може, гласање со маски и на дистанца

Министерот за здравство Венко Филипче информираше дека е подготвен Протокол за Изборниот процес.

Протоколот ги опфаќа правилата и мерките за време на подготовките, кампањата како и самиот ден на изборите.

„ Мора да се почитуваат мерките, носење на заштитна опрема, држење дистанца. Собирите на отворен и затворен простор да се организираат почитувајќи ги мерките согласно бројот на учесници. За помали собири да се користат разгласи, да се избегне концентрирање на луѓе.

Кампањата „врата на врата“ мора да се рализира со заштитна опрема, да не се влегува внатре во домовите, да се држи дистанца. Партиските активности по можност да се одржуваат на отворено, ако се на затворено да биде по правилата, не биде подолго од 2 часа и секојдневно да се врши дезинфекција на просторијата. На штандовите за делење рекламен материјал да не се собираат граѓани и да има не повеќе од двајца партиски активисти. Партискиот превоз да биде исполнет со максимум 50 проценти и сите носат заштитна опрема, а превозниците да обезбедат средства на дезинфекција на возилото. На денот на изборите членовите на избирачките одбори и набљудувачи да носат заштитна опрема и во просторијата да биде отворен прозор. Задолжително да има средства за дезинфекција на раце. Гласачите да држат дистанца од 2 метри, пред влегување ги дезинфицираат рацете, при подавање на лична карта на кратко ја тргнуваат маската и при тоа држат дистанца.“, соопшти Филипче.

Согласно можностите ќе се препора зголемување на времето за гласање, за 2 часа за да се избегнат гужви.