Изјава на Арбен Таравари по гласањето во вториот круг

„Се надевам дека денот ќе помине во фер и демократска атмосфера, да нема притисоци, а навечер нека победи тој што е најдобар, тој што ќе има повеќе гласови. По сите изгледи ние сме апсолутни фаворити во Гостивар, тоа се виде во првиот круг, а истото треба да се верифицира уште еднаш, во вториот. На првиот ден од новиот градоначалнички мандат ќе продолжиме да работиме таму кадешто застанавме“, изјави откако го оствари правото на глас во вториот круг од Локалните избори, Арбен Таравари, кандидат за градоначалник на Гостивар.