Изјава на Талат Џафери, претседател на Собрание

Претседателот на Собранието, Талат Џафери своето право глас го оствари утрово, на избирачко место во родното Форино. Ја пренесуваме неговата изјава за медиумите, дадена по гласањето.

„За разлика од Референдумот, овој пат ме има на избирачкиот список, тоа го проверив и претходно. Значењето на излегување на избори е од аспект што правото на избор е темелна вредност и право на секој граѓанин, кој треба да ја искористи можноста да биде избран или да бира. Претседателската функција е во насока на обезбедување на стабилност на политичкиот живот во една земја. Очекувам процесот да тече мирно и фер, како што и започна. На кандидатите им посакувам среќа, кој и да биде победник, односно тој што ќе добие мнозинство гласови.“, изјави Џафери.