Култура
Изложба и комедија на кавадарчани во Гостивар
Дела од ликовната колонија „Михајлово 2016“ на Домот на културата од Кавадарци, синоќа беа изложени пред гостиварци. Љубителите на уметноста имаа можност да видат дваесетина слики создадени од уметници учесници на колонијата од повеќе земји: Македонија, Србија, Бугарија, Грција, Албанија, Словенија и други.
Изложбата се реализираше како резултат на соработката меѓу Центарот за култура АСНОМ во Гостивар и кавадаречката културна установа.
„Ликовната колонија во Кавадарци опстојува повеќе од 20 години и низ неа продефилирале над 600 уметници. Лани беа создадени околу 120 уметнички дела од кои дваесетина донесовме овде, во Гостивар. Искрено може да кажам дека во вашиот град се чувствуваме како дома и секогаш со задоволство ја прифаќаме поканата да гостуваме со наши активности“, рече Владимир Темков, директор на Домот на културата од Кавадарци.
Задоволство од плодната соработка меѓу двете установи изрази и директорот на гостиварскиот Центар за култура, Луан Зенки. На свеченото отворање кусо се обрати и претседателот на друштвото на ликовни уметници од Гостивар, Драудакум, професорот Решат Амети, кој подвлече дека и во иднина ќе продолжат да се организираат вакви настани.
Освен со изложба на ликовни дела, кавадарчани во Гостивар се претставија и со театарска претстава – комедијата „Стјуардеси“.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар