Измамен гостиварец останал без својот џип

Лице од Охрид со измама си ќарило џип од наивен гостиварец. Случајот бил пријавен во полиција вчера од каде соопштуваат дека работат на расветлување на сите поединости.

Според информациите од СВР Тетово, четириесет и едногодишен гостиварец,  пријавил измама од 29-годишен охриѓанец. Тој навел дека, со лицето во март минатата година усно се договориле во рок од еден месец да му монтира прозорци на објект, лоциран на улица „Панче Поповски“ во Гостивар.

Како надоместок за монтирањето на прозорците му го дал неговиот џип „Вранглер седан“, чија вредност ја процениле на 12 илјади евра. Но, и по изминати повеќе месеци охриѓанецот не му ги монтирал прозорците, ниту му го вратил џипот.