Измамникот од Кочани осомничен дека силувал девојче во Гостивар е во притвор

Триесет и седумгодишниот кочанчанец кој лажно се претставувал како оџа и сексуално искористил деветгодишно девојче се наоѓа во 30 дневен протвор. Тој е осомничен за две кривични дела „полов напад врз дете“ и „измама“. Двајца гостиварци се приведени под сомнение дека заедно со него учествувале во измама.

Полицијата соопшти дека вчера (6 декември) околу 15.10 часот на улица.„Борче Јовановски“ во Гостивар, полициски службеници на Одделението за внатрешни работи Гостивар ги лишиле од слобода Е.И.(32) и С.А,(24) двајцата од Гостивар, поради сомнение дека заедно со Р.Л.(37) од Кочани извршиле „измама“. По документирање на случајот против двајцата изготвен е поднесок.

Во врска со Р.Л., истиот ден во 14.25 часот, 29-годишна гостиварка пријавила дека Р.Л. на 23/24 ноември годинава, извршил обљуба на нејзината малолетна ќерка. Со соодветен поднесок за „измама“ и „полов напад врз дете“ Р.Л. е изведен пред судија во претходна постапка на Основниот суд Гостивар, кој му определил мерка притвор од 30 дена, по што  бил спроведен во Казнено-поправната установа Затвор „Скопје“ во Скопје за издржување на притворот.