Гостивар
Измени во буџетот на Гостивар поради платите на наставниците од основните училишта
На денешната седница на Советот на Општина Гостивар беше изгласана одлука за донесување на Планот за регионално управување со отпадот, кој се однесува на менаџирањето со депонијата Русино. Беше усвоена и прераспределба на пари во буџетот. Како што појаснија од Секторот за финансии измените се за искористување на вишок средства од плати и надоместоци за капитални трошоци, како и за обезбедување на плати за наставниците во основните училишта.
„Имавме два поводи за донесување на прераспределба на средства. Првиот, општината ги подмири платите за ноември и останаа средства за капитални трошоци. Сите средства што се останати од програмите за плати и надоместоци ги носиме во програмата за изградба и реконструкција на улици и патишта. Што се однесува до втората измена, таа се прави во дотациите поради недостиг на средства за плати на вработените во основните училишта, а вишок на средства кај средните училишта. Тоа значи дека средствата ќе се префрлат од средните за основните уичилишта“, изјави Садри Елези од општинскиот Сектор за финансии и буџет.
Сумата што се префрла од дотациите за средните во основните училишта е 1,5 милиони денари. Во делот на измените за капитални инвестиции се работи за вкупен износ од околу 4 милиони денари.
Од Секторот за финансии нагласија дека техничките подготовки за прераспределбата на парите потребни за платите на наставниците ќе се извршат итно, за да се избегне доцнење во исплатата.
Следната седница на Советот на Општина Гостивар е закажана за 25 декември, кога треба да се расправа за буџетот за 2021-ва година.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk