Изминатата ноќ 2 лица го прекршиле полицискиот час во Гостивар

Во периодот 1/2 април од 7 до 7 часот, на подрачјето на Секторот за внатрешни работи Тетово вкупно 6 лица ја прекршиле одлуката за ограничено движење (Тетово -4 и Гостивар-2). Лицата се лишени од слобода и задржани за расчистување и документирање на случаите, по што ќе им бидат изготвени соодветни поднесоци по член 206 од Кривичниот законик, информираат од полицијата.

Во овој период вкупниот број на лица, спроведени во државен карантин на ова подрачје изнесува 390 (Тетово-210 и Гостивар-180), а бројот на лица со потпишани изјави за самоизолација e 146 (Тетово-55 и Гостивар-91). Покрај ова, реaлизирани се и 100 (Тетово-67 и Гостивар-33) контроли на лица со решенија за изолација, издадени од Државниот здравствен и санитарен инспекторат.