Измислена е вакцина против алергија на мачки – не ја прима човекот, туку животното

Голем дел од луѓето развиваат алергија на мачки и поради тоа, и покрај желбата да ги чуваат како домашно милениче, не смеат. Добрата вест за сите нив доаѓа од Швајцарија.

Швајцарски научници откриле вакцина против алергија на мачки. Ја нарекле “HypoCat”. Научниците утврдиле дека  најчестата причина за алергија е гликопротеин Fel-d1, кој се наоѓа во плунката на мачката, шепите и крзното. Тие измислиле вакцина која, кога се вбризгува во мачката, го активира имуниот систем да произведе антитела, кои го уништуваат наведениот протеин.

Дури четири студии го потврдиле успешното неутрализирање на алергенот, а се покажало дека животните добро ја поднесуваат вакцината, односно немаат лоши реакции од неа.

Сепак, детализирањето на овој лек се` уште трае, па на пазарот, оваа вакцина би требало да биде достапна за три години.