Изнапишани казни од вкупно 1.160 евра за неносење маски во Гостивар

Полицијата продолжува со секојдневни контроли насочени кон почитувањето на мерките за заштита од Ковид 19. Како што информираат од СВР Тетово, изминатото деноноќие за неносење заштитни маски биле изготвени прекршочни платни налози на вкупно 159 лица, од кои во Тетово 101, а во Гостивар 58. Казните за физички лица за неносење маски се во висина од 20 евра, што значи дека вкупната сума напишани казни за последните 24 часа, достигнува 1.160 евра.

Во текот на изминатото деноноќие,  според статистиката на Секторот за внатрешни работи Тетово за периодот нови решенија за изолација од Државен санитарен и здравствен инспекторат изготвени им се на вкупно 42 лицa (Тетово-40 и Гостивар-2), додека вкупно биле контролирани 715 (Tетово-525 и Гостивар-190) лица со вакви решенија. Во изминатото деноноќие, исто така,  изјави за самоизолација потпишале вкупно 3 лица, од кои 2 во Гостивар и 1 во Тетово, а контролирани биле 138 лица (Тетово-100 и Гостивар-38 ) со потпишани изјави за самоизолација.