Израел ја понесе победата на Евровизија 2018

Нета со песната „Играчка“ е годинешниот победник на изборот за песна Евровизија 2018, што се одржа во Лисабон, Португалија. Според жирито, најмногу гласови освои Австрија, но според телевоутингот и смс пораките, најмногу гласови доби претставничката на Израел кој беше подобра во вкупниот пласман и прогласена за победник. Во вечерашното финале се натпреваруваа претставници на 26 земји, а право на глас имаа сите 43 земји кои настапија во полуфиналните вечери.  Од балканските земји, во финалето се пласираа  Албанија, Србија, Словенија и Бугарија. Претставниците на Македонија „Ај Кју“ не влегоа во финалната вечер.