Извлечени двојките за првото коло од 2 МФЛ: ФК Гостивар дома со Охрид, ФК Вардар Форино на гости со Дрита

Со ждрепка во Фудбалската федерација на Македонија беше одреден распоредот на натпревари за Втората македонска фудбалска лига за сезоната 2020/2021, која започнува на 22 август.

Втората лига како и години наназад е поделена на Исток и Запад, во која по 10 екипи од двете лиги ќе борат за првото место кое води директно во Првата лига и втората позиција која води во бараж.

Тетекс, ФК Гостивар, Лабуништа, Вардар Форино, Велзерими 77, ФК Дрита, Кораб, Охрид-Лихнидос, ФК Скопје и екипата на Велешта која е новајлија во лигата се екипите кои ќе се натпреваруваат во Втора МФЛ – Запад.

Двата гостиварски претставници кои ќе настапуваат во оваа лига, ги добија своите противници со кои ќе се сретнат на отварањето на сезоната. ФК Гостивар во првото коло го пречекува тимот на Охрид-Лихнидос, додека Вардар од Форино му гостува на екипата на Дрита во Боговиње.

Во Втората Македонска фудбалска лига – Исток ќе се натпреваруваат екипите на: ФК Победа, Кит-Го, САСА Каменица, Брегалница, Плачковица, ФК Тиквеш, Кожув, Осогово и екипите на ФК Росоман и Слога Виница кои се пласираа од третата лига.

Целосниот распоред за Втора МФЛ – Запад може да го погледнете ТУКА, распоредеот на Втора МФЛ – Исток, ТУКА.