Извршена е дезинфекција на болницата во Гостивар, ќе се примаат само итни случаи

Како превенција од ширење на коронавирус, согласно владините препораки, во текот на вчерашниот ден беше извршена дезинфекција на сите простории во општата болница „Д-р Ферид Мурад“ во Гостивар.

За да ја намали фреквенцијата на луѓе, а со тоа и ризикот од заболување, во наредниот период во болницата ќе се третираат само пациентите кои имаат итна потреба од медицинска помош, соопштија од управата. Се намалува, исто така и обемот на хируршки интервенции и ќе се изведуваат само итните и недолжни операции.

Болничкото раководство ги повика граѓаните да ги почитуваат препораките за заштита од корона, со цел да се намали можноста од ширење на вирусот.

Инаку, на инфективното одделение во гостиварската болница, има соба за изолација на пациенти, сомнителни на Ковид 19.