Извршителка пријавила закани, навреди и обид за напад од гостиварец

Во Полициската станица Гостивар пријавен е обид за напад врз извршител, кој се случил во петокот околу пладне.

Според информациите од полицијата, шеесет и четиригодишната В.Ј. од Скопје пријавила дека Е.Ќ на влезната врата од домот во Гостивар и` се заканувал и ја навредувал, а се обидел и физички да ја нападне во моментот кога пријавителката како Извршител постапувала согласно девет предмети за извршување кон лицето В.Ќ. кој му е син на пријавениот.

Лицето било спречено во намерата од полициски службеници, по што било приведено во Полициската станица Гостивар. Надлежните соопштија дека преземаат мерки за целосно расчистување на случајот.